электрондық аналогтық машина

(Электронная моделирующая (аналоговая) машина)

электрондық есептеу машинасы. Үздіксіз өзгеріп отыратын физикалық шамаларды (ұзындық, бұрыш, жылдамдық, кернеу, т.б.) пайдаланып, есептеуге арналған. Есептеуге қажетті бастапқы мәліметтер үздіксіз енгізіліп, дәл солай есептеу нәтижелері де үздіксіз шығарылып отырады. Э.м.м-ның негізгі бөліктері: шешуші қондырғы, оған бастапқы мәліметтерді енгізетін қондырғы, есептеуден кейінгі нәтижелерді есепке алу мен машинадан шығаратын қондырғы, басқару блогы. Модельдеуші машина автоматты басқару мен реттеу міндеттерін орындауға, мыс., әр түрлі авиациялық жүйелерде (көздеу, индикаторларда, т.б.) есептегіш-шешуші қондырғы ретінде қолданылады.